酷航特約: 新加坡壹日遊記-3

28/02/2015 | by 風信子 | In 亞洲, 美食

【Zuji 小編新加坡一日遊記-3】
上回提要: 5點鐘去到牛車水 China Town
其實......係唔係一有China 呢個字, 就會有成億人架呢? 點解牛車水可以多人到咁樣?!
1
二話不說, 作為一個遊客, 一到牛車水就梗係去林志源買肉乾食啦....嘩, 排左半粒鐘~~~~ 無計啦, 新鮮好食呀嗎, 即場狼吞半打落肚先啦, 仲講野? 即刻肥左!
2

食完肉乾再食野! 梗係啦, 黎到China Town 唔通同您睇風景咩? 所以小編先後去Smith St 食街同埋Maxwell Food Court 食左少少野, 其少少野包括:
少少海南雞飯、少少叻沙、少少亞坤多士 (個醬好正)、少少炒粿條、少少花生湯、少少.... um 都差唔多啦, 無咩嘅, 都係想你地葡萄下架姐, 所以我都唔多介紹啦
4 

食飽飽其實想去Red Dot Design Museum (28 Maxwell Rd), 不過小編真係果頭近啦, 時日無多, 唯有skip 左佢下次先黎。

最後啦, 就梗係要去Marina Bay 同隻石獅selfie 一下先啦 
(註: 聽聞新加坡好似話禁用神棍, 所以selfie 係唔洗用棍架!)
5
Selfie 完都差不多7點, 個天開始入黑啦。最後行埋人傑地靈嘅Gardens by the Bay 去欣賞下大大棵嘅Supertree Grove。
行到去7:45pm, 剛剛有表演睇! D 大大棵嘅Supertree 起勢咁發光閃閃下, 係好睇過幻彩Fing香江架我覺得! 而重點係人唔多, 睇得好舒服。 如果你肯俾SGD5仲可以行埋上去連接住Supertree 嘅吊橋上面睇表演, 倍感浪漫 (不過小編就一個人去旅行, 要咁浪漫把鬼, 留番SGD5買雪糕食好過)
其實Gardens by the Bay裡頭仲有兩個溫室, 不過睇完表演人地都已經關門大桔lu~
7

10

好啦, 都夜媽媽啦, 又未上得機, 咁做咩好呢? 梗係走入金沙賭場行個大運, 順手放低埋d 新加坡紙, 咁就財散人安樂啦~

呢個賭場當然無澳門果d 咁勁揪啦, 不過大路野都有得玩, 同埋最低消費又平過澳門, 適合小賭怡情嘅我啦。
不過要黎呢個賭場就記住、記住、記住要帶passport! 呢度check passport 分分鐘嚴過你過海關架! 
唔知係唔係我想輸晒d錢嘅關係, 點解我賭極都有錢贏嘅? 唔理Lu, 玩到夠鐘上機返香港過個肥年先! byebye!

鳴謝#Flyscoot 同 YourSingapore 請小編坐飛機同提供新加坡旅遊指南! 些些!

12

封存的帖子
Scroll To Top