拍下幸福旅圖

 

海外婚紗攝影必讀

出國可以為去旅行見識、探親公幹,而近年不少準新人都計劃飛到外地影婚紗相。選擇海外影原因有很多,可以因為一生人一次的寶貴經歷,或者因為大家想重遊相識舊地,想於浪漫建築下留倩影,或順道去一趟旅行...由選擇到哪裡影相、相片風格、服裝、行李準備等等,都面對很多疑問及煩惱。ZUJI請來幾位專業海外婚攝攝影師分享海外婚攝要注意的事項及經驗分享,更送出海外婚攝優惠!

 

Amee Cheung Photography創辦人兼攝影師Amee Cheung

Amee Cheung是一位香港藝術攝影師,帶著相機走遍世界的她追求簡單真摯的愛,希望記錄自然美好的幸福場景。她對自然光線情有獨鐘,也非常擅於捕捉人物的自然神態。她獨有的細膩和敏銳觸覺,用相機記錄新人之間最真摯、親的情感互動,將他們的感動和美麗銘刻為恆久相片中,觸動人心亦是Amee作品拿手之處 

 

海外婚紗攝影$1000優惠

由2018年9月26日至10月31日,您只需要提供海外婚攝套餐優惠碼「ZJAC1000」予Amee Cheung Photography,海外婚紗攝影即可享HK$1,000折扣優惠,名額限5個。

  

  

 

海外婚紗攝影Q&A(首席攝影師Amee Cheung為你解答)

✏️去外景影婚攝,換衫會唔會好麻煩?

💌 其實換衫唔會好麻煩嘅。如果去大城市,客人可以揀啲比較方便、喺市中心嘅酒店,咁景點同景點之間,就可以返酒店換衫。如果去偏遠一點嘅地方影相,比如意大利嘅Tuscany,我們會租一架大一點嘅車,新人就可以舒舒服服喺車度換衫。

 

✏️新人點樣練習笑容/擺甫士先影得靚?

💌 新人唔需要好刻意練習笑容同擺甫士,因為去到外地,新人一般會比較放鬆心情,而我地嘅拍攝手法也比較自然,唔會叫佢地好生硬咁企定定擺甫士,會盡量叫佢地多啲互動。只要放鬆心情,enjoy過程,我們就可以好自然地影到佢地真摯嘅笑容。如果真係很生硬,我們會畀適當指示亦會同佢地傾吓偈,不會教他們企定定去擺甫士。

 

✏️你覺得哪一個地方拍婚紗係最靚?

💌 我冇最鐘意嘅地方,因為每一次經歷都有啲唔同。最緊要係光線和客人嘅笑容、表情,地方都只係襯托,當然去到外國會風景靚啲,構圖都可以靚啲,但我始終覺得婚照主題都係集中人同人、一對新人嘅情緒交流,地方都係其次。

 

✏️你會畀咩建議畀影海外婚攝嘅新人?

💌 我會建議新人最緊要係放鬆心情,當平時去旅行咁開開心心。去海外拍攝,實在有太多預料唔到嘅情況,如果好緊張一定要跟住原本計劃進行,可能就會因為有突發事件好似天氣唔好問題而唔開心。 其實「不似預期」都可以係好嘅,我成日會行行下去到好特別嘅地方,影到原本冇諗過影嘅靚相。落雨都會有落雨嘅浪漫,有另一種Moody啲嘅感覺。所以建議新人唔洗訂到行程好緊密。 我就鍾意一路行一路拍,一日最多兩至三個大景點,中間我地會發掘新地方,或者去做啲唔同嘅體驗去拍攝。千祈唔好當作走景點、做task咁影。另外,我會建議帶多幾套衫,因為有時預料唔到啲風景好靚,襯唔同嘅衫效果會更靚,所以我都會叫我嘅客人去帶多好多套casual wear準備。

 

✏️服飾上有咩建議?

💌 輕便點嘅婚紗會較好。特別喺城市影會人來人往,如果婚紗太大太重,每次拍攝都要佈好條裙先影,就會有點麻煩,亦需要多啲時間去拍一張冇人入鏡嘅相。而且大件婚紗行走較唔方便,甫士上亦會有局限只可以企定為主,所以會建議要拖尾都要揀輕身少少。質地揀有紗質會較好,日光打落黎,影出黎會透亮一點,感覺較夢幻。絲質或挺身物料在戶外拍攝反而較難看到效果。Casual Wear就好著重新人性格及拍攝地方,但簡單黎講,如果喺鬧市影,就建議著啲較鮮色嘅衫,可以喺途人堆中突出啲,如果喺大自然影,睇下會唔會想著得好隆重,如果唔係著啲碎花裙或粉色啲、純色啲嘅裙都會好襯。

特別鳴謝︰

 

 

Amee Cheung Photography 海外婚紗攝影優惠之條款及細則

  1. 名額適用於2018年9月25日至10月31日,名額限5個。
  2. 優惠須視乎Amee Cheung Photography供應情況而定,優惠內容可隨時作出更改,恕不另行通知。
  3. ZUJI不會對Amee Cheung Photography所提供海外婚紗攝影之服務質素作出任何陳述或保證,亦不會就該服務或資料所引起或與其有關事宜負上任何責任。所有與Amee Cheung Photography產品及/或服務相關之責任(包括但不限於其質素及供應量)均由Amee Cheung Photography獨自承擔。
  4. 優惠不可兌換或退還成現金或其他產品及服務。
  5. 每個海外婚紗攝影套餐只可享用折扣優惠一次。
  6. 如有任何爭議,Amee Cheung Photography及ZUJI保留最終決定權,爭議結果以Amee Cheung Photography及ZUJI之決定為最終決定。